Головкинмен барлық титулы үшін айқасамын, бірақ WBC қажет емес – Альварес


Бірінші орта салмақта WBO тұжырымы бойынша әлем чемпионы Сауль «Канело» Альварес (48-1-1, 34 КО) Бүкіләлемдік бокс кеңесіне (WBC) ренжулі екенін мойындады. 

Айта кетейік, мексикалық боксшы өзі иеленген осы титулын жекпе-жексіз орта салмақта WBA (Super), IBO, WBC және IBF тұжырымдары бойынша әлем чемпионы, қазақстандық боксшы Геннадий Головкинге (37-0, 33 КО) 2016 жылы беріп қойған, - деп хабарлайды Vesti.kz.

«WBC мені жақсылықты білмейтін адам ретінде көрсетті. Олар менің осы деңгейге жеткенімді солардың арқасында дегенді айтып жүр, бірақ шынында олай емес. Мен ризамын, сол себепті де мен де кәсіпқой боксты бастаған уақыттағы командаммен бірге келемін. Мен өз командама алғыс білдіремін. Мен титулды Головкинге берген уақытта менің басқа да шаруаларым көп болды. Олар маған дедлайн жариялаған уақытта (жекпе-жек өткізу үшін 15 күн ғана берілді) біз Майамиде сотта болдық. Мені Головкиннен қорқып қалды немесе тағы бір басқа деп ойлайды. Шын мәнінде мен ешкімнен қорықпаймын», - деп мәлімдеді ол. «Егер Головкинмен жекпе-жек өткізетін болсам, WBC титулы үшін таласпаймын. Барлық қалған титулы үшін күресемін. Неге? Себебі олардың маған істегені үшін. Олар менің сот ісімен айналысып жатқанымды біле тұра, осындай шарттар қойды», - деп жазады BoxingScene.com Альварестің сөзін. 

Айта кетейік, «Канело» 6 мамырда Хулио Сезар Чавеспен Лас-Вегаста өтетін жекпе-жекте (50-2-1, 32 КО) тұжырымы бойынша «мерекелік» белбеуі үшін таласудан бас тартты.



Дерккөз: Www.24.Kz


®Азияинфо - Asia info™ | Сілтеме | Дереккөз | Авторлық құқық™
Бөлісу тақырыбы: Азияинфо - Asia info » Головкинмен барлық титулы үшін айқасамын, бірақ WBC қажет емес – Альварес
Тұрақты сілтеме: /A_news/2017-05-03/605.html