...мені - өзімнің Сағынышым мұңайтты.

Үндемеймін. Түсінем.

Үнсіздікте Тыныштық бар деп кім айтты?

Жылағаны ол - ішінен.

Күлгені де. Сүргені де - Өмірді.

Біз өмірді түсінсек қой - Со ғұрлы...

...мені - өзімнің Ұнағаным мұңайтты.

Үндемеймін. Түсінем.

Үнсіздікте Жүрек жоқ деп кім айтты?

Сүйгені ол - ішінен.

Кешіргені.

Өшіргені наласын.

Ол секілді кім жаза алар Жарасын...

...мені - өзімнің Сезінгенім мұңайтты!

Үндемейін. Түсінем...

Үнсіздікте Бақыт жоқ деп кім айтты?

Шырқағаны ол - ішінен!..

Билегені - тас жүрегі егіліп.

Қабырғасы қырық жерден сөгіліп!

...Ол секілді көрдің бе сен - Сезініп...

Мынау бүкіл Әлемге.

Бар Адамға

мені - өзімнің Сағынышым мұңайтты.

Үндемеймін.

Түсінем.

...үнсіздікте Өмір жоқ деп кім айтты?

Өзіңді ізде - ішінен...

Жанна Елеусіз